24.02.2023
21 лютага – Сусветны дзень роднай мовы
Святкаванне Міжнароднага дня роднай мовы стала традыцыйным мерапрыемствам для нашага кадэцкага вучылішча, вельмі важным святам для кадэтаў і педагогаў.
Мова яднае нацыю, народ і ўсіх людзей, якія пражываюць на тэрыторыі краіны. Кожны чалавек павінен шанаваць сваю мову, традыцыі і культуру свайго народа.
А зараз як прайшло гэта свята ў бібліятэцы…
У бібліятэцы арганізавана і дзейнічае тэматычная кніжная выстава «Каб бацькоўская мова квітнела», з якой можна азнаёміцца, наведаўшы бібліятэку.
Слова-гэта гісторыя народа. Яно вядзе нас у мінулыя стагоддзі, дапамагае зазірнуць у будучыню. У бібліятэцы вучылішча прайшла займальная віктарына «Падарожжа ў родную мову», у якой удзельнічалі вучні 10 класаў.
Спадзяюся, што мерапрыемствы, якія былі прысвечаны нашай роднай мове, нікога не пакінулі абыякавымі і змаглі данесці да ўсіх тое асноўнае, што трэба ведаць і любіць «зямлі бацькоўскай слова».
Любіце, шануйце, паважайце родную мову, размаўляйце на ёй часцей!
Бібліятэкар, І.А.Бруева