06.01.2023
ЗІМОВЫ ФЭСТ "МОВА РОДНАЯ - МОВА МОДНАЯ"
Падчас зімовых канікул у Шклоўскім раёне Магілёўскай вобласці арганізаваны зімовы фэст для школ і аздараўленчых лагераў. Удзельнікі змаглі дакрануцца да нашага нацыянальнага хараства, багацця, душы народа-БЕЛАРУСКАЙ МОВЫ.
Установы адукацыі сабралі каманды і кожную раніцу на тэлеграм-канале "Адукацыя. Шклоў" з'яўлялася заданне для ўдзельнікаў, далей пачыналася калектыўная творчая дзейнасць, па выніках якой рабілася крэатыўная справаздача.
Удзельнікі пазнаёміліся з народнымі зімовымі святамі, традыцыямі іх святкавання, рэцэптамі прыгатавання традыцыйных беларускіх святочных страў; вывучылі беларускія хуткамоўкі, народныя песні і танцы; пазнаёміліся з мастацтвам выцінанкі, наладзілі работу творчых майстэрняў па вырабу калядных упрыгожанняў і паштовак; арганізавалі святочныя батлеечныя прадстаўленні. І ўсё гэта на беларускай мове. Завяршыўся зімовы фэст танцамі у народным стылі.
Зімовыя вакацыі прайшлі весела і з карысцю.
Отдел по образованию Шкловского райисполкома